لو خايفة إن طفلك يتأخر في الكلام… وعايزة تساعديه يبدأ يتكلم ويكتسب كلمات، ويعبر عن احتياجاته حتى لو بكلمات بسيطة…
في مجموعة نقط مهمة لازم تمشي عليها 👇
1: كلمي طفلك طول اليوم
طول ما هو صاحي، اتكلمي معاه في كل حاجة:
وانتي بتلبسيه: "يلا نلبس التيشيرت" "هات البنطلون" "ارفع إيدك"
وانتي بتطبخي: "خد حتة خيار" "كل الجزر" "دي طماطم"
وانتي في الشارع: "بص دي قطة" "ده حصان" "دي عربية لونها أحمر"
وانتي في مكان شراء: "هات موز" "حط الموز في الشنطة" "ادي الفلوس لعمو"
👉 خليه يشاركك في كل تفاصيل يومك
2: بلاش دلع في الكلام 🚫
❌ ما تقوليش: "امبو" – "مم" – "هش"
✔️ قولي الكلمة بشكلها الصحيح
ولو صعبة عليه: قسّميها ل مقاطع تساعده ينطقها
3: استخدمي حاجات حقيقية
❌ بلاش كروت وصور في البداية
✔️ الأفضل:
حاجات من البيت (موز – تفاح – طماطم)
مجسمات
💡 ليه؟ لأنك بتشغلي أكتر من حاسة:
يشوف 👀
يلمس ✋
يسمع 👂
يدوق 👅 (لو أكل)
يشم 👃
وده بيخلي الطفل يستجيب أسرع
4: استخدمي الحاجات المتحركة
لو هتعلمي الحيوانات:
استخدمي مجسمات
أو فيديو فيه حركة وصوت
👉 الطفل بيحب الحاجة المتحركة أكتر
5: بلاش الشاشات ⚠️
🚫 موبايل – تابلت – تلفزيون
خصوصًا في سن: سنة / سنة ونص
❗ حتى لو محتوى "تعليمي"
معلومة مهمة:
ينفع تستخدم الشاشات؟ ✔️ بس بعد ما تطبقي كل اللي فات ✔️ ولمدة قليلة جدًا ✔️ و بهدف تدريبي
❌ لكن ماينفعش تعتمد عليها لوحدها
الخلاصة:
التفاعل الحقيقي أهم من أي حاجة 👌 كل ما كلمتي طفلك أكتر… كل ما فرصته في الكلام هتكون أفضل 💯
وعشان تطمني علي طفلك تقدري تحجزي استشاره ،تعرضي علينا تفاصيل حالة طفلك ونتكلم في كل المشاكل أو النقاط اللي مسببالك قلق