هنتكلم عن فنية مهمة جدا من فنيات تعديل السلوك وهي فنية (التعزيز)
يعني إيه تعزيز؟
إزاي أقدر أستخدم الفنية دي؟
عملية التعزيز هي: عملية تدعيم سلوك محدد انا عايز أضمن حدوث السلوك ده أو إن السلوك ده يتكرر معايا في المستقبل.
يبقى أنا هنا عندي:
سلوك مناسب أو سلوك محدد
عايز الطفل يكرره
يعمله أكتر من مرة
يعمله في الجلسات أو في البيت
بعمل ده إزاي؟
بعمل ده من خلال إني بعزز السلوك يعني بضيف مثيرات إيجابية بعد حدوث السلوك.
أمثلة
طفل يتدرب على تنفيذ الأوامر قولت له المس شعرك فا الطفل لمس شعره أنا عارف إن المعزز بتاعه البابلز، أجيبله البابلز يلعب بيها
طفل تاني:
قلت له خبّط على الترابيزة والطفل خبّط وهو بيحب التوفي أو البونبوني أديله توفي أو بونبوني
أهمية التعزيز
عملية التعزيز ليها تأثير نفسي كبير جدًا على الأطفال
مثال بسيط يوضح الفكرة
لو عندك طفل عايز تدربه يرتب غرفته قولت له لو رتبت غرفتك أسبوع كامل هتخرج آخر الأسبوع
الطفل التزم ✔️ وأنت خرجت معاه ✔️
يبقى أنت كده: 👉 عززت السلوك
طيب هل المعزز دايمًا خروج؟
❌ لا في أنواع كتير من المعززات:
معززات مادية
معززات اجتماعية
معززات نشاطية
معززات رمزية
إزاي أختار المعزز المناسب؟
اسأل نفسك مجموعة أسئلة 👇
1. الطفل بيحب إيه؟
بيحب ياخد ايه؟
بيحب تعمل له إيه؟
إيه اللي بيفرحه؟
2. نوع المعزز؟
مادي؟
اجتماعي؟
نشاطي؟
3. هل بيحب حاجة واحدة ولا اكتر؟
لو بيحب أكتر من حاجة 👉 نوّع في المعززات
أنواع التعزيز
1. التعزيز الإيجابي
معناه: 👉 يخلّي الطفل يكرر السلوك المرغوب
ليه هيكرر؟ علشان 👉 يحصل على حاجة بيحبها
مهم جدًا ⚠️
التعزيز الإيجابي مش بس للسلوك الجيد
ممكن تستخدمه غلط ويزود سلوك سيء!
مثال:
طفل:
طلب حاجة
رفضت
عيط
رحت نفذت طلبه
❗ هنا إيه اللي حصل؟ عززت سلوك العياط
الطفل فهم: كل ما أعيط → هاخد اللي أنا عايزه
يبقى التعزيز الإيجابي معناه:
زيادة حدوث السلوك ✔️ سواء سلوك كويس ❌ أو سلوك غلط
الحل هنا؟
كان المفروض: 👉 نستخدم فنية الإطفاء (نتجاهل السلوك)
2. التعزيز السلبي
معناه: أزالة أو تقليل سلوك غير مرغوب عن طريق إضافة شيء غير محبب للطفل
مثال طفل بيمص اصبعه، الأم حطت حاجة مُرة
الطفل:
حس بطعم وحش
قلل السلوك
مثال ٢:
ولد بيتأخر عن الدرس، المدرس قال له لو اتأخرت مش هدخلك، الولد التزم علشان يتجنب العقاب.
3. التعزيز التفاضلي
فكرته بسيطة جدًا 👇
👉 عزز الصح 👉 تجاهل الغلط
مثال 1:
طفل بيرمي المنديل في الأرض ❌ → تجاهل
لما رماه في السلة ✔️ → عززه
مثال 2:
طفل بيشدك عشان يطلب حاجة ❌ → تجاهل
لما:
طلب بطريقة كويسة ✔️ → تدي له الطلب + تعززه
مثال 3:
طفل بيشخبط على الحيطة ❌ → تجاهل
لما:
مسك كراسة وشخبط فيها ✔️ → عززه
الخلاصة 👇
التعزيز أداة قوية جدًا
ممكن تستخدمها صح → تحسن السلوك
أو تستخدمها غلط → تزود السلوك الغلط
✔️ ركز دايمًا:
أعزز الصح
أتجاهل الغلط
أختار المعزز المناسب
وأنوّع في المعززات
وبكده تقدر تستخدم فنية التعزيز بشكل صحيح وتحقق نتائج قوية جدًا مع الأطفال