إن شاء الله هنتكلم عن فنية جديدة من فنيات تعديل السلوك، وهي فنية المثير أو المحفز، وإزاي نقدر نتعامل مع المثير.
أول حاجة: لازم نفهم يعني إيه "مثير"
في البداية لازم نفهم نقطة مهمة جدًا: إن في مثيرات بتكون هي المحفز أو الدافع اللي بيخلي الطفل يقوم بسلوك معين.
مثال: لو عندنا طفل كل ما يدخل المطبخ يشوف شيكولاتة موجودة على المطبخ أو في الدولاب، يرمي نفسه في الأرض علشان عايزها ومش عارف يعبر أو يطلب.
👉 هنا المثير = الشيكولاتة يعني هي السبب اللي جعل الطفل يدخل في نوبة الغضب.
الخلاصة: المثير هو أي (حدث / شيء) موجود في البيئة حول الطفل وتخليه يقوم بسلوك معين.
طيب… اتعامل ازاي مع المشكلة دي؟
1) ضبط المثير
يعني أتحكم في السلوك عن طريق التحكم في المثيرات اللي قبله.
أولا: إزالة المثير
لو الطفل أول ما يشوف الشيكولاتة بيعيط ويصرخ:
✔ الحل: نشيل الشيكولاتة من قدامه
نحطها في مكان مش شايفه
ما يقدرش يوصل لها
👉 كده أنا منعت السلوك من الأساس.
ثانيا: التضييق
مثال: طفل يأكل التفاح في الحضانة، لكن في البيت بيرميه.
✔ الحل:
ما تقدّمش التفاح في البيت
خلي الطفل يأكله في مكان بيقبله فيه (الحضانة)
بعد فترة:
امنع التفاح شوية
بعدين ارجّعه في البيت تدريجيًا، الطفل هيبدأ يتقبله.
ثالثا: استخدام مثيرات تقلل السلوك
لو الطفل مش بيعرف يتكلم:
✔ نستخدم الصور
صورة شيكولاتة
صورة تفاحة
👉 الطفل لما يحتاج حاجة:
يعطيك الصورة
تاخد الصورة وتعطيله الحاجة
✔ النتيجة:
مفيش عياط
مفيش نوبات غضب
⚠️ مهم: الصور مش بديل للكلام دي مجرد وسيلة تساعدنا نوصل للكلام.
رابعا: المثير العقابي
يعني حاجة غير مريحة بنستخدمها تقلل السلوك.
مثال: طفل بيصرخ طول الوقت ممكن نحط له كرتونة على رأسه → الصوت هيزعجه → يقلل الصراخ
👉 بس: لازم نجرب ونشوف هل فعلاً قلل السلوك ولا لاء.
خامسا: تغيير الموقف (تنظيم البيئة)
يعني نغير الظروف المحيطة بالطفل لمنع السلوك.
مثال: طفل بيصرخ لما تمسك التليفون
✔ الحل:
اشغّله بلعبة بيحبها
لما يندمج… اتكلم في التليفون
أول ما تلاحظ إنه هيزهق… اقفل المكالمة بنفسك
👉 كده:
انت اللي بتتحكم في الموقف مش الطفل
الخلاصة
كل سلوك وراه مثير لما تفهم المثير… تقدر تتحكم في السلوك
عندك أدوات زي:
إزالة المثير
التضييق
استخدام بدائل (زي الصور)
المثير العقابي
تغيير البيئة
لو عندك مواقف مشابهه مع طفلك، تقدر تحجز استشارة ، وأنا أساعدك تطبّق الطريقة المناسبة خطوة بخطوة 👍