النهارده إن شاء الله هنتكلم عن اختبار الذكاء: تعمل لطفلك اختبار ذكاء ولا لاء؟ وكمان هتستفيد إيه لو عملت الاختبار؟ وإيه الفرق بين الاختبار اللي بيتعمل في المراكز والاختبارات اللي بتتعمل في الجهات الحكومية أو في المستشفيات الحكومية؟
أولا: ما هو اختبار الذكاء؟ اختبار الذكاء هو الأداة الوحيدة التي تقيس العمر العقلي للطفل.
يعني هو الأداة الوحيدة اللي هتقول لك ابنك عمره العقلي مكافئ لعمره الزمني ولا لاء.
يعني:
هيطلع لك إن ابنك اللي عنده 4 سنين عمره العقلي 4 سنين → الأمور تمام
أو يقول لك عمره العقلي 3 سنين → عندك تأخر سنة
أو 2.5 سنة → عندك فجوة سنة ونص
يعني الاختبار يحدد الفرق بين العمر العقلي والعمر الزمني، و يطمنك إن الطفل طبيعي.
اختبار الذكاء يجاوب على إيه؟
ابني طبيعي ولا لا؟
ليه حاسس إنه أقل من اللي في سنه؟
ليه مش بيفهم زي غيره؟
ليه استيعابه أقل؟
الاختبار هيجاوب على كل ده، و يكشف:
هل في مشكلة؟
إيه سبب المشكلة؟
بيكشف عن القصور العقلي
يساعد في تشخيص اضطراب النمو الذهني (مع أدوات اخري)
ولو اتأكدنا من وجود مشكلة :
بنحدد خطة علاجية مناسبة
نحول نقاط الضعف لأهداف تدريبية
نستخدم نقاط القوة لتحسين نقاط الضعف
وكمان: اختبار الذكاء مش بس للمشاكل، ده كمان:
بيكشف الأطفال الموهوبين
يساعدنا ننمي قدراتهم و نطور مهاراتهم بشكل أفضل
نقاط هامة عن الاختبار:
- مين اللي يطبّق الاختبار؟
أخصائي تقييم نفسي
يكون شاطر ومتمكن
- مفيش حاجة اسمها اختبار ذكاء بالبازل فقط
مفيش أدوات بسيطة تقيس الذكاء لازم حقيبة اختبار كاملة
-
مفيش اختبار ذكاء في نصف ساعة ومفيش اختبار ذكاء اونلاين
-
تهيئة الطفل لازم الطفل:
نايم كويس
أكل كويس
حالته المزاجية كويسة
والأخصائي:
يهيئ الطفل الأول
ميدخلش في الأسئلة مباشرة
وفي نفس الوقت:
ما تخوفش الطفل وتحسسه انه في امتحان
- لازم يكون في تقرير كامل مفيش اختبار ذكاء بدون تقرير مفصل يشمل:
نسبة الذكاء الكلية
الذكاء اللفظي
الذكاء غير اللفظي
نتائج الاختبارات الفرعية
نقاط القوة
نقاط الضعف
العمر العقلي
الفرق بين الاختبار الحكومي والخاص؟
أولًا: المستشفيات الحكومية المميزات:
بتحتاجه في:
الدمج
كارت الخدمات
خدمات الدولة
العيوب:
يطبق بشكل مختصر (بطارية مختصرة)
ليس اختبار كامل
التقرير عبارة عن درجات فقط
مفيش:
نقاط قوة
نقاط ضعف
توصيات
→ صعب تبني عليه خطة علاجية
ثانيًا: المراكز الخاصة المميزات:
الاختبار كامل
نتائج دقيقة
بيوضح:
نقاط قوة
نقاط ضعف
تقدر تبني خطة علاجية
العيوب:
غير معتمد للجهات الحكومية
طيب أعمل إيه؟ الحقيقة:
محتاج تعمل الإثنين لان كل واحد له استخدام مختلف
في النهاية: اختبار الذكاء مهم جدًا لطفلك، حتى لو طبيعي:
تعرف نقاط قوته
تعرف نقاط ضعفه
تعرف إزاي تطور قدراته و مهاراته
لكن بشرط: انك تطبقه في مكان موثوق فيه.