ألعاب هتعلّم طفلك يطلب بلغة منطوقة

لو طفلك بيقول كلمات كتير بس مش بيعرف يطلب… تعمل إيه؟ 🤔

لو ده وضع طفلك، المقال ده هيفرق معاك هقولك مجموعة ألعاب وأنشطة بسيطة تعملها خلال اليوم تساعده يستخدم اللغة علشان يطلب بدل:

الإشارة

العياط

الصراخ

رمي نفسه في الأرض

وكمان هتساعده يوظف الكلمات اللي عنده بدل ما يكون بيسمّي وخلاص.

🟢 النشاط الأول: وقت الأكل

✔ اديله معلقة واحدة بس ✔ واستنى

استني إيه؟ استني يقول:

تاني

كمان

اسم الأكل (مكرونة – بطاطس…)

❗ مهم:

الطفل يكون جعان فعلاً

الأكل يكون بيحبه جدًا

✔ لو ما قالش: ابدأ ساعده وقول: "تاني؟ كمان؟ بطاطس؟"

🟢 النشاط الثاني: البابلز (الفقاقيع)

✔ انفخ مرة ✔ العبوا واتبسطوا ✔ بعد كده وقف فجأة

👉 استنى يقول:

تاني

كمان

💡 فكرة تانية: ادي له جزء واحد من اللعبة (مش هيعرف يلعب لوحده)

👉 هيضطر يقول:

ساعدني

بابلز

كمان

❗ مهم جدًا: خلي اللعب مرح ولطيف مش أوامر: "قول كذا!" ❌

🟢 النشاط الثالث: العربيات أو الكور

✔ استخدم:

عربيات بمسار

أو كرة + ماسورة

✔ سيبها تنزل مرة ✔ واستنى الطفل

👉 لما يحب يكرر: هيحاول يقول:

تاني

كورة

نلعب

🟢 النشاط الرابع: الصندوق المقفول

✔ حط حاجة بيحبها في بوكس شفاف مقفول

👉 هو شايفها… بس مش عارف يفتحها

✔ هييجي لك ويحاول يطلب:

افتح

عايز

اسم الحاجة

❗ شرط مهم: ما تفتحش غير لما يقول كلمة

🟢 النشاط الخامس: الأغاني

✔ شغّل أغنية بيحبها ✔ وهو مبسوط… وقفها فجأة

👉 استنى يقول:

شغل

تاني

أغنية

✔ قال = نشغل ❌ ما قالش = النشاط يوقف

⚠️ أهم نصايح لازم تلتزم بيها

✔ خليك هادي ✔ ادي الطفل وقت يستجيب ✔ ما تستعجلش

✔ لو استجاب 👉 كافئ فورًا

أكل → اديه الأكل

لعبة → كمل اللعب

أغنية → شغلها تاني

✔ خلي النشاط قصير ⏱ من 3 لـ 5 دقايق

🔥 الخلاصة

إنت بتخلق مواقف تجبر الطفل يستخدم اللغة مش تحفظه كلمات وخلاص

الهدف: الطفل يقول علشان يوصل للي هو عايزه

لو جربت الأنشطة دي، ومفيش نتيجة تقدر تحجز استشارة وتعرض مشكلة طفلك بالتفصيل وانا هساعدك.