التقليد مهارة مهمة جدًا تعتبر أساس العملية التعليمية، يعني ببساطة خالص: الطفل اللي ما بيعرفش يقلد مش هيعرف يتعلم.
هنحاول نتكلم بشكل مبسط عن:
التقليد الحركي وإزاي نقدر نشتغل مع أطفال اضطراب طيف التوحد أو أي طفل عنده مشكلة في التقليد بطرق سهلة وبسيطة 👍
نقطة مهمة أنا محتاج من طفل اضطراب طيف التوحد إنه:
يندمج وسط الأطفال
الأطفال يتقبلوه
يشارك معاهم في اللعب
يتكلم معاهم
يكون له دور في اللعب
طيب إزاي ده يحصل؟
👉 لازم الطفل يعرف يقلد
يعني:
يلعب زيهم
يتكلم زيهم
يتصرف زيهم
علشان:
ميستغربوش سلوكه
وميقولوش: هو بيعمل كده ليه؟
أو ليه مش عارف يلعب زينا؟
➡️ علشان كده لازم نهتم بمهارة التقليد من سن صغير
يعني إيه تقليد؟ التقليد هو قدرة الطفل على إنه:
يقلد الحركات (حركات الأب – الأم – الأخصائي)
أنواع التقليد:
تقليد حركي يقلد الحركات
تقليد صوتي يقلد أصوات / كلمات / جمل
نبدأ بإيه؟ نبدأ بـ 👉 التقليد الحركي
إزاي ندرب الطفل على التقليد الحركي؟
1. باستخدام اللعب
أسهل وأحسن طريقة لو الطفل بيحب العربية هات العربية حركها و قول: بيب بيب بيب هنا انت بتدربه على تقليد الحركة وممكن يقلد الصوت كمان
أمثلة حركات بسيطة:
صفق
خبط
ارفع إيدك
اعمل باي
مهم جدًا:
اشتغل بالألعاب اللي الطفل بيحبها ❤️
2. لو مفيش ألعاب استخدم أدوات بسيطة فمثلا كوباية ليك وكوباية للطفل اشرب من كوبايتك وقوله اعمل زيي و لو ما عرفش ساعده بإيدك
3. أنشطة أعلى
مثال:
كوباية + قلم
حط القلم جوه الكوباية
وقوله يقلدك
أو:
اعرض صورة
وخليه يعمل زيها
4. مهارات حركية كبرى
نط
صفق
قف
ليه التقليد الحركي مهم؟
لأنه 👉 مفتاح التقليد الصوتي يعني لو الطفل اتقنه هيبقى سهل يتعلم يقلد
أصوات
كلمات
مقاطع
نشاط مهم في البداية (النفخ)
حط ورق قدامك
انفخ فيه
واطلب من الطفل يقلدك
لو ما عرفش:
قربه من الورق
انفخ قدامه
لو مش فاهم:
انفخ في إيده ➡️ يحس بالهواء
مستوى أعلى:
خليه ينفخ في إيدك
➡️ كده حققنا هدفين:
التقليد
تدريب على النفخ
قواعد مهمة جدًا 👇
✔️ ابدأ بالسهل ✔️ التدرج في الصعوبة ✔️ كل ما الطفل ينجح → زود المستوى
❌ ما ينفعش:
طفل مش عارف يقلد حاجة بسيطة وأدربه على حاجة صعبة
الخلاصة
التقليد = أساس التعلم
نبدأ بالتقليد الحركي
استخدم اللعب
نبدأ بالسهل
ونتدرج
وكل الأنشطة دي تقدر تبدأ بيها وإن شاء الله تجيب معاك نتائج كويسة جدًا 👍