العوامل المؤثرة في تطور النطق عند الأطفال
مجموعة عوامل تؤثر في تحديد السن اللي الطفل هيبدأ يتكلم فيه، وكمان هتحددلي المخزون اللغوي اللي هيكون موجود عند الطفل، وهل الطفل ده هيكون قادر على استخدام المخزون اللغوي اللي موجود عنده بشكل سليم ولا لاء؟
يعني الطفل اكتسب مجموعة من الكلمات، هيقدر يستخدمها في مكانها ولا هيبقى ماشي في البيت بيقول أي كلام وخلاص؟ ماشي بيقول موزة وإحنا لا عندنا موز ولا شفنا الموز، ماشي بيقول تفاحة أو بيقول أشرب وهو ولا عطشان ولا عايز تفاحة، ولا هيكون بيقول الكلمة لما يكون محتاج الحاجة دي أو لما يكون بيسمي حاجة شايفها قدامه؟
أول عامل: سلامة أعضاء النطق أنا لازم أتأكد إن ابني معندوش مشكلة في أعضاء النطق، وإلا الولد ده إزاي هيتكلم؟
أعضاء النطق أو عملية النطق عمومًا عملية معقدة وبتشترك فيها أجهزة كتير من جسم الإنسان، زي:
الجهاز التنفسي
الجهاز الصوتي (الحنجرة والأحبال الصوتية)
التجويف الأنفي والتجويف الفمي
الحنك
الفك السفلي
اللسان
الأسنان
الشفاه
وكمان بيشترك فيها الجهاز العصبي، لأن الجهاز العصبي فيه مراكز السمع ومراكز الكلام، فبالتالي هو عنصر أساسي في عملية النطق والكلام.
يبقى المطلوب إيه؟
لازم أتأكد من سلامة كل أعضاء النطق.
أعمل تقييم للطفل.
لو في مشكلة عضوية → ارجع للطبيب.
ولو المشكلة وظيفية (في الأداء):
طفل مابيعرفش يتحكم في الشفاه
طفل بيريل طول الوقت
طفل ما بيحركش فكه بشكل سليم
طفل عنده ضعف في عضلة اللسان
هنا دور أخصائي التخاطب:
يقوي أعضاء النطق
يشتغل على المشكلة
يساعد الطفل يكمل تأهيله
ومن ضمن النقاط المهمة جدًا: حاسة السمع، لأن أي مشكلة في السمع هتأثر على الكلام، إحنا علشان نتكلم محتاجين نسمع الأول، نستقبل الكلام ونفهمه، وبعد كده نقدر نعبر.
ثاني عامل: الفروق بين الجنسين اتكلمنا قبل كده إن في فرق بين الولد والبنت:
البنات سابقين الأولاد في النمو اللغوي
سابقين في اكتساب النطق الصحيح للكلمات
الفرق ممكن يوصل لحوالي 4 شهور
البنت ممكن تتكلم بدري وتكون أوضح في النطق من الولد
ثالث عامل: الفروق الفردية كل طفل له طريقة خاصة في اكتساب اللغة، ومفيش طفلين زي بعض.
الفروق ممكن تظهر في:
عدد الكلمات المكتسبة
سرعة التعلم
تكوين الجمل
استخدام الإيماءات بدل الكلام
مهم جدًا:
مانقارنش طفل بطفل
تقارن الطفل بالمعدل الطبيعي لعمره
يعني:
عمره كام؟
المفروض يقول كام كلمة؟
بيكون جمل ولا لا؟
رابع عامل: التشجيع والتعزيز لو الطفل بدأ يقول أصوات وأنا شجعته وقلدته، هو هيتحفز إنه يكرر.
مثال:
الطفل قال "بابا"
أنا فرحت، بصيت له، كررت الكلمة، شجعته
النتيجة:
الطفل يكرر الكلمة
هيزود كلامه
العكس: لو تجاهلته → معدل الكلام هيقل
مهم: التشجيع مش رشوة، ده تحفيز
خامس عامل: المثيرات الثقافية والبيئية
في فرق بين:
طفل في بيئة غنية (كلام – تفاعل – كتب – صور)
طفل في بيئة فقيرة (مفيش تفاعل – موبايل – تلفزيون بس)
أمثلة:
طفل يسمع أهله بيتكلموا → إكتسب لغة أسرع
طفل متساب لوحده → هيتاخر
سادس عامل: العلاقة الأسرية والحالة النفسية
الجو الأسري المستقر بيساعد الطفل
التوتر والخلافات بتأثر سلبًا
أمثلة:
انفصال الأب والأم
انشغال الأم
فقدان أحد الوالدين
النتيجة:
الطفل يميل للعزلة
يقل التفاعل
تظهر مشاكل في النطق
سابع عامل: درجة الذكاء
الذكاء عامل مهم جدًا في النطق السليم.
الدليل:
الأطفال ذوي الإعاقة الفكرية بيتأخروا لغويًا
عندهم مشاكل في النطق (حذف – تشويه – اضطرابات)
الخلاصة: العوامل السبعة هي:
سلامة أعضاء النطق
الفروق بين الجنسين
الفروق الفردية
التشجيع والتعزيز
المثيرات الثقافية و البيئية
العلاقة الأسرية
درجة الذكاء
نعمل إيه بقى؟
نراجع كل العوامل ونقيس على الطفل
نعمل تقييم لأعضاء النطق
ما نقارنش طفل بطفل
نهتم بالتشجيع
تحسن البيئة
تراجع الحالة النفسية
نعمل اختبار ذكاء عند الحاجة
وأخيرًا: درجة الذكاء بنعرفها من خلال اختبارات الذكاء المقننة وبيتم تطبيقها من خلال أخصائي نفسي، بيديك تقرير كامل فيه:
نقاط القوة
نقاط الضعف
إيه اللي محتاج تشتغل عليه
التوصيات